‏إظهار الرسائل ذات التسميات محاضرات ودروس. إظهار كافة الرسائل
‏إظهار الرسائل ذات التسميات محاضرات ودروس. إظهار كافة الرسائل

الاثنين، 16 مايو 2016

طريقك لتعلم جافا و أندرويد.من البداية للنهاية



السلام عليكم ورحمة الله وبركاتة
فى الاونة الاخيرة كثرت الاسئلة والاستفسارات عن طريقة تعلم برمجة الاندرويد
ومن اهم هذة الاسئلة المتكررة :
-         كيف أتعلم تطوير  الاندرويد من الصفر ؟
-         أريد تعلم ألاندرويد وليس لى اى خلفية فى لغات البرمجة ؟
-         ماهى لغة البرمجة التى يجب ان اتعلمها للتطوير للاندرويد؟
-         كيف أتعلم لغة Java  حتى استطيع تعلم ألاندرويد؟
-         ماهو المستوى المطلوب فى لغة Java  والذى استطيع بعدة الانتقال للاندرويد؟
-         أريد مصادر تعليمية لتعلم جافا واندرويد؟
-         أريد كتب تعليمية لجافا وتطوير الاندرويد من البداية؟
-         ماهى الاساسيات التى يجب ان اتقنها كبداية لدخول مجال الاندرويد؟
وهناك الكثير من الاستفسارات والاسئلة التى تدور حول هذا الموضوع
وفى هذا الكتاب سوف نجيب عن كل هذة الاسئلة والاستفسارات التى تدور فى رأس كل مبتدئ
او طالب يريد الدخول لعالم تطوير الاندرويد ولا يجد الطريق الصحيح
والمراجع الموثوقة ليبدأ الطريق


تحميل الكتاب من أحد الروابط التالية



طريقك لتعلم جافا واندرويد من البداية


Password : www.joker-soft.com

ولزيادة توصيل المعلومة قمنا بعمل بعض المحاضرات لشرح بعض النقاط الهامة




 لو استفدت من الشرح اشترك معنا على قناة Joker-Soft
على اليوتيوب واعمل لايك وشير للشروحات
ولو عندك موضوع او شرح جديد ممكن تراسلنا وهينزل فى المدونة باسم وصورتك
وكمان تقدر تحمل تطبيق Joker-Soft للاندرويد الخاص بالشروحات
 وتثبتة على موبايلك عشان تتابع كل جديد
مرسلة بواسطة في
التسميات: , ,

الأحد، 21 فبراير 2016

شرح بالصوت والصورة لطريقة العمل على InfinityBox BEST Nokia من البداية


How To Flash Nokia Phones With InfinityBox BEST Nokia
عند التعامل مع اجهزة Nokia بانواعها المختلفة سواء تفليش او تعريب او فك شفرات
واصلاح مشكلات خاصة بالسوفت وير يجب توفر بوكس قوى تستطيع من خلالة 
توفير الوقت والمجهود والعمل باحترافية 
وهناك اكثر من بوكس للتعامل مع اجهزة نوكيا و من اشهرهم بوكس ATF والذى يتميز
بالسرعة والقوة والدعم فى التعامل مع اجهزة نوكيا كما انة يستطيع التعامل
مع اجهزة Nokia Lumia التى فقدت مناطق البوت نتيجة التفليش الخاطئ


وايضا يدعم كتابة ملفات SDC الخاصة بارجاع البوت لاجهزة سامسونج جلاكسى
والمنافس الاقوى لبوكس التربو هو دونجل Infinity Best Nokia 
ويعتبر من افضل الادوات للتعامل مع اجهزة نوكيا لسهولة استخدامة ودعمة لمجموعة كبيرة من الاجهزة

 
وايضا يدعم اجهزة نوكيا التى تحمل معالجات MTK مثل Nokia 108 وغيرها 
وهذة الاجهزة غير مدعومة على بوكس ATF كما انة يدعم عمليات الRepair
والاصلاح المباشر لبعض اعطال ومشكلات الاجهزة الخاصة بالسوفت وير 
كما انك تستطيع تفعيل الدونجل للعمل على اجهزة الاندرويد الكوبى 
والتى تحمل معالجات MTK او SPD مثل اجهزة Lenovo ,Tecno,Alcatel وغيرها
ودائما الحل الافضل للمبتدئين هو العمل على دونجل بيست نوكيا 
لما يتمتع بة من مميزات اختصرناها  سريعا فى بعض السطور
ولهذا قمنا بعمل دروس لشرح واجهة InfinityBox BEST Nokia بطريقة سهلة وميسرة




ولسهولة توصيل المعلومة تم تقسيم الدرس الى جزئين
الجزء الاول : وفية يتم شرح طريقة تثبيت برامج الدونجل InfinityBox BEST Nokia
وطريقة تعريف الدونجل بطريقة صحيحة وتشغيل البرامج بدون مشاكل
لتحميل البرامج الخاصة بالشرح من الرابط التالى



الان بعد تحميل المتطلبات يمكنك مشاهدة الجزء الاول من الشرح 




والجزء الثانى من الدرس ويتم فية شرح واجهة البرنامج واهم العمليات الاساسية
مثل تحميل الفلاشات الخاصة بالاجهزة باستخدام البروداكت كود
وايضا طريقة التفليش باستخدام مخرج USB 

=

الدروس والشرح بالصوت والصورة والخطوات للمتألق بسام البدوى لسهولة توصيل المعلومة للاعضاء



 لو استفدت من الشرح اشترك معنا فى قناة Joker-Soft
على اليوتيوب واعمل لايك وشير للشروحات
ولو عندك موضوع او شرح جديد ممكن تراسلنا وهينزل فى المدونة باسم وصورتك
مرسلة بواسطة في
التسميات: , , , ,

السبت، 26 ديسمبر 2015

دعوة للسوفتجية لزيادة واثراء المحتوى العربى لمنافسة المحتوى الاجنبى


تحدثنا كثيرأ فى مدونة جوكر سوفت عن اهمية زيادة المحتوى العربى لنستطيع منافسة المحتوى الاجنبى 
فى جميع مجالات التكنولوجيا عموما ومجال سوفت وير المحمول خصوصا
وفى هذا المقال سنتحدث عن الجزء المتعلق بسوفت وير المحمول ومعظم الوقت عند بحثك عن روم او برنامج
او حل لمشكلة فى احد الاجهزة ستجد المواقع الاجنبية متصدرة نتائج البحث
وتحتل المراتب الاولى فى المشاهدات وعدد مرات التحميل وعدد الزيارات

ولذلك دائما يتعامل معنا الغرب على اننا مجرد مستهلكين وموزعين لمنتجاتهم فقط
وليس لنا اى دور او تأثير فى المجال سوى العمل على بوكسات السوفت وير
 الخاصة بهم
او تحميل البرامج والملفات المعدلة من طرفهم 
وايضا التعامل مع سيرفرات فك الشفرات
والحماية التى يملكونها ...وهذا ما يسمى بالسيطرة الكاملة
ورغم وجود منصات ومواقع عربية كبيرة وعريقة فى المجال 
وتحدثنا عن بعض منها فى مقال سابق


إلا ان اغلب الحلول تكون ماخوذة Copy/Paste من المواقع الاجنبية
حتى بدون اضافة اى لمسة من ناقل الموضوع ورغم انها محاولات ناجحة نشد على يد
كل شخص يقوم بنقل وتبادل المعلومات مع باقى الاشخاص الذين لا يعلمون
إلا انها تخلوا من اللمسات النهائية وبعض الابتكار الشخصى فى التعامل مع الحلول والمشكلات المختلفة
التى تواجة كل سوفتجى فى عملة ولذلك عند بحثك عن حل لمشكلة ما 
قد تجد موضوع اجنبى يظهر فى اول نتائج البحث رغم نقلة ونسخة فى عشرات المواقع العربية
ولا دخل لمحرك بحث جوجل فى التلاعب والانحياز للمواقع الاجنبية
ولكن دائما كما نقول " Content is king " او المحتوى هو الملك

 
بمعنى ان عناكب بحث جوجل تقوم بالدخول الى المواقع وارشفة المواضيع الموجودة
وعند نسخ او نقل هذة المواضيع لايؤثر هذا على محتوى الموضوع الاصلى
وباقى المواضيع التى نسخت يتم التغاضى عنها عند ارشفة المواقع الاخرى
ولذلك دائما ما تنصح جوجل بالمحتوى الحصرى حتى يتم ارشفتة بسرعة
وسهولة وتجاهل باقى المواضيع التى تم نسخها من المحتوى الاصلى

إقرأ ايضا : هل سيكون Tizen هو نظام تشغيل Samsung البديل لنظام Android ؟

ولكن لماذا دائما المحتوى الاجنبى هو المسيطر والمهيمن على نتائج البحث
و تقديم الحلول الجديدة والحصرية ؟
هل لاننا تعودنا على انتظار نتائج عملهم والعمل خلفهم ؟
أم لانهم ينظرون الينا كما قلنا على اننا مجرد مستهلكين 
او بمعنى اخر اغبياء كما قال علينا احد كلابهم ؟
نعم يقول علينا اننا اغبياء لان احد #السوفتجية العرب 
قام بطلب دعم لاحد المعالجات
من فريق عمل بوكس على موقع GSM-Hosting

 
ورغم ان الردود على طلب ابو كنزى ومشاركة باقى السوفتجية العرب
فى دعمة للاستجابة السريعة على طلبة كانت تخلو من الاحترافية
لانها كانت مجرد نسخ ولصق لمشاركتة فقط دون اضافة اى جديد
او فتح مجال للمناقشة حول طرق دعم هذا المعالج
وفى معظم المواقع الكبيرة يتم النظر الى هذة المشاركات 
على انها مشاركات مزيفة
ومضللة " Fake " 
إلا ان هذا الموضوع قد اثار غضب الكثيرين من السوفتجية العرب 
لتجاهل الطلب وايضا نظرة فريق البوكس وباقى الفرق بالطبع الى العرب
على انهم غير جديرين بطلب اى شئ ولا يحق لهم ذلك
بالرغم من اننا من اكثر المستهلكين والمروجين لمنتجاتهم وبالتالى
يقوموا بتحقيق مكاسب عالية من شرائنا لمنتجاتهم سواء بوكسات او منتجات اخرى
إقرا ايضا : عايز اشترى بوكسات سوفت وير ومحتار. تنصحونى أشترى اية ؟

فما اسباب تفوق المحتوى الاجنبى على المحتوى العربى 
فى مجال سوفت وير المحمول
ولماذا دائما تكون الحلول الاجنبية لها الاسبقية فى الظهور على مواقع البحث


السبب الاول : لان معظم المصار ولغات البرمجة باللغة الام بالنسبة اليهم 
وهى اللغة الانجليزية وجميع لغات البرمجة تعتمد بشكل كامل على اللغة الانجليزية
وهى تعتبر نقطة ضعف بالنسبة للسوفتجية العرب سواء فى لغات البرمجة 
او التعامل مع المصادر الاخرى فى عملهم 

-ولكن هذة ليست مشكلة بالنسبة للاشخاص التى تبحث عن الاحترافية 
وليس المطلوب منك الان هو احتراف كامل للغة الانجليزية ولكن على الاقل 
ان تكون ملمأ باهم المصطلحات والمفاهيم الخاصة بالمجال
 والتى تساعدك على البحث
فى جميع المصادر الاخرى والوصول الى المعلومة التى تبحث عنها 
واكبر مثال على هذا التفوق الرهيب للمبرمجين الهنود فى مجالات التكنولوجيا المختلفة
رغم ان اللغة الانجليزية ليست اللغة الام بالنسبة لهم 
ولكنهم يقومون بالدراسة والمحاولة والاستمرار فى المحاولة 
والسعى وراء اهدافهم
حتى تتحقق فى النهاية 

السبب الثانى : سهولة تبادل المعلومات ومشاركة الاخرين فى المعرفة والمصادر

 
-وللاسف هذة النقطة تعتبر من سلبيات العرب عموما لانهم لايرغبون فى تبادل المعلومات
مع غيرهم من العرب وينظر الناس اليهم على انهم محتكرين 
ولكن كلمة محتكرين فى الغالب كبيرة علي هذة الفئة من السوفتجية العرب
لانهم لا يقومون بابتكار شئ يستحق الاحتكار مجرد معلومات قاموا بالبحث عنها
فى مواقع اجنبية وليست من بنات افكارهم
او بعض البرامج والفلاشات والتى قاموا بتحميلها من مواقع وسبورتات اخرى اجنبية
وايضا ليست من برمجة اى شخص فيهم ولا دخل لة فى ألية عمل هذة الفلاشات

- والسؤال هنا لهذة الفئة الاكثر ضررأ على المحتوى العربى 

-هل قمت ببرمجة بوكس من البداية ؟؟
 هل قمت ببرمجة وتطوير روم اصلى او مطبوخ من البداية؟؟
هل قمت بعمل فريق خاص بازالة الحماية وفك الشفرات الدولية 
ام انك مجرد وسيط مع السيرفرات الاجنبية ؟

فأين الاحتكار فى شئ ليس لك من البداية ولم تقم بعملة ؟

انت مجرد باحث ماهر عن العلومات الاجنبية فقط
ولا دخل لكم بالابتكار والتطوير

ودائما ما تجد هذة الفئة من السوفتجية تعمل لنفسها فقط ولمكاسبها 
واغراضها الشخصية والمادية ولا يهمة امر اثراء المحتوى العربى مادام 
انة سيتسبب فى نشر العلم لباقى العرب وبالتالى لن يستطيع معة التنكر
خلف قناع المحتكر المزيف



وهذة الفئة زادت انتشارأ فى الفترة الاخيرة طمعا فى تحقيق مكاسب مالية
حتى لو بدأ الامر على انة عمل مجانى لزيادة تفاعل السوفتجية
وزيادة الزيارات والتحميلات كما حدث بالفعل مع بعض السبورتات والمواقع العربية
التى بدأت بالعمل المجانى ولكن سرعان ما تحولت الى مواقع مدفوعة
رغم قلة محتواها وعدم جودتة إلا ان السعى الدائم وراء المال هو الهدف الاول لهم

-انا لا الوم هذة المواقع على ذلك لانها حرية شخصية وايضا لان هذا العمل
يحتاج الى دعم مادى فى تطوير الموقع وغيره
ولكن من البداية لاتقل ان الموقع مجانى لطلب الدعم والزيارات والشهرة
ثم تتخلى عند وعودك 

السبب الثالث : العمل ضمن فريق عمل للوصول الى الاحترافية


-من اهم الاسباب التى ساعدت وتساعد فى زيادة واحترافية المحتوى الاجنبى 
هو العمل ضمن فريق عمل متكامل لان الشخص مهما بلغت كفائتة وخبرتة
لن يكون خبيرأ فى كل شئ ولذلك يتم اكمال النواقص فى فرق العمل 
ونحن كعرب تنقصنا هذة الميزة ونحب دائما العمل منفردين 
وذلك الامر يجعلنا متأخرين دائما فى مواكبة التطورات السريعة ومثال على ذلك
تجد ان بوكسات السوفت وير يتم دعمها من فريق كامل من الاشخاص
ومنهم من يقوم بالبرمجة والتطوير وتحديث البوكس من الناحية البرمجية
ومنهم من يقوم بالتسويق للمنتج ونشرة ونشر تحديثاتة فى المواقع المختلفة


وقد عرضنا عليكم بعض الاسباب التى ادت الى تراجع المحتوى العربى فى نقط سريعة اختصارأ للوقت

وسنقوم ايضا فى نقاط سريعة باعطاء بعض النصائح للسوفتجية العرب 
الذين يطمحون فى زيادة المحتوى العربى ومنافسة المحتوى الاجنبى


النقطة الاولى : كن انت المبادر



- بمعنى انك لاتنتظر نزول المعلومات من السماء او انتظار الاخوة المحتكرين
بتقديم المعلومة لك على طبق من ذهب لانة لن يحدث واذا حدث 
ووجدت منهم خطوات ومواضيع مجانية فانها ستكون لزيادة الزيارات او التلميع الاعلامى لهم
وتلميع مواقعهم المدفوعة وليس حبأ فيك او  فى المحتوى العربى

النقطة الثانية : ساهم بما تستطيع

-وهذة رسالة الى جميع السوفتجية العرب الذين يطمحون فى اثراء المحتوى العربى
قدم ما تستطيع او ما تملكة بين يديك الان حتى اذا كان شئ صغير او معلومة صغيرة
قد تعتقد انها غير لازمة ولكن بالنسبة لاشخاص اخرين قد تكون معلومة قيمة
لاتنتظر وتقول لن اقدم شئ حتى اكون افضل الاشخاص
لانك لن تكون افضل الاشخاص فى يوم من الايام ولذلك أبدأ من الان

النقطة الثالثة : قم بالتفاعل وكسر يد الاحتكار

كثير من السوفتجية المبتدئين بعثوا الينا رسائل على الخاص 
انهم يملكون فلاشات ورومات مسحوبة ومجربة من اجهزة جديدة وغير موجودة 
على المواقع العربية او المجانية وقدمنا لهم بعض النصائح


وكذلك قمنا بعمل شرح فيديو مختصر لطريقة اعادة تسمية الروم المسحوب 
بما يتوافق مع معلومات الروم وموديل الهاتف وايضا طريقة ضغط الروم
بكلمة سر او بدون كلمة سر ورفعة على سيرفرات تحميل سريعة


وبعد رفع الروم او البرنامج او الشرح الذى لديك
 قم بنشرة فى المواقع والمنتديات العربية
 او ارسلة لنا وسنقوم بنشرة بالنيابة عنك فى مدونة جوكر سوفت او فى جروبات الفيس بوك المختلفة
ومواقع التواصل الاجتماعى باسمك وحقوق مواضيعك

خاتمة المقال 

هل ستكون مثل باقى القطيع وتصبح تابع للجميع بدون اى انجاز حقيقى ينسب اليك 
والى العرب عموما وتكون من باقى الاغبياء كما اشار الينا كلب الهوستينج؟
هل ستقوم بالتوسل والتضرع الى احد الاشخاص من اجل معلومة او فلاشة
ام ستبدأ بنفسك وتقوم بتقديم ما تستطيع وسيتكفل غيرك باكمال باقى الحلقات
حتى يكون لنا كيان كبير قادر على المنافسة والضغط بما لدية من قوة ومحتوى؟؟

"إتحدوا يرحمكم الله "

شارك فى اثراء المحتوى العربى وشاركنا فى التعليقات بمقترحاتك فى الوصول الى افضل النتائج

لو استفدت من الموضوع اشترك معنا فى قناة Joker-Soft
على اليوتيوب واعمل لايك وشير للشروحات
ولو عندك موضوع او شرح جديد ممكن تراسلنا وهينزل فى المدونة باسم وصورتك
مرسلة بواسطة في
التسميات: ,

الثلاثاء، 17 نوفمبر 2015

بعض المصادر والمواقع العربية التى تهم كل سوفتجى -الجزء الاول (المنتديات)

فى بعض الاحيان عند استلامك هاتف من العميل بة مشكلة معينة فى السوفت وير
سواء تعريب او فك شفرة او اصلاح بعض المشكلات الاخرى
 مثل السيريال او حذف الفيروسات
وغيرها من المشكلات ..فتقوم بالبحث عن روم او حل على الانترنت 
والمواقع التقنية الخاصة بالسوفت وير
وزى ما قولننا ان كل#السوفتجية سواء مبتدئين او محترفين يقومون بالحث والمتابعة للمواقع والمنتديات
الخاصة بسوفت وير المحمول ومتابعة المواضيع الجديدة او تحميل بعض الفلاشات
وعرضنا بعض المواقع الاجنبية الاكثر شهرة وتوضيح بعض النقاط
 فى التعامل والبحث داخلها
حتى نيسر الامور على المبتدئين 
وفى هذا المقال سوف نوضح بعض المواقع والمصادر العربية 
المهمة لكل فنى سوفت وير وسنقوم بتقسيم الموضوع الى 3 اجزاء

وفى الجزء الاول سيكون توضيح لبعض المنتديات العربية 
الخاصة بسوفت وير المحمول وشرح بعض النقاط لكل منتدى وما يميزة 
وفى الاجزاء الاخرى سنوضح بعض المواقع والمدونات
 الخاصة بمجال سوفت وير المحمول
كما اننا فى الجزء الاخير سنتحدث عن بعض السبورتات العربية
 التى تستطيع تحميل معظم
الفلاشات منها بشكل مجانى
ولكن دعونا فى هذا الجزء نتحدث عن بعض المنتديات العربية
المهمة لعمل كل سوفتجى سواء مبتدئ او محترف وهذا ليس حصرا لكل المنتديات
ويوجد الكثير من المنتديات التقنية الاخرى ولكن اختصار للوقت
والمحاضرة بالصوت مدعوما بشرح فيديو للتوضيح

 الروابط



لو أستفدت من الشرح اشترك معانا فى قنواتنا على اليوتيوب عشان يوصلك كل جديد
وكمان تقدر تحمل تطبيق الاندرويد الخاص بالشروحات وتثبتة على موبايلك عشان تتابع كل جديد

ولو عندك مواضيع جديدة او حصرية وحابب تشاركها معانا

ابعتلنا موضوعك او مقالك او شرحك واحنا هنزلة فى المدونة باسمك وتوقيعك

مرسلة بواسطة في
التسميات: , ,

السبت، 24 أكتوبر 2015

اهم المواقع والمصادر الاجنبية لكل سوفتجى فى طريقة للاحتراف

مجال سوفت وير المحمول بقا متشعب جدأ وكل يوم فية جديد وعلشان تكون #سوفتجى شاطر لازم تكون على دراية بالجديد او على الاقل تكون متابع بعض المواقع علشان تشوف المواضيع الجديدة او الشروحات واكيد هتشوف مشكلات بيتم طرحها وتتابع الخطوات اللى حصلت لحد حل المشكلة او يكون عندك خلفية للمشكلة او العطل عشان لو قابلك تعرف تتعامل معاة
وطبعا كل السوفتجية ليهم مصادرهم الخاصة والمواقع
 والمنتديات اللى بيزوروها باستمرار
وبيعرفوا منها الجديد فى المجال سواء مواقع عربية او اجنبية
واحنا هنخلى الموضوع على جزئن ..المقال دة هيكون عن اهم المواقع والمنتديات الاجنبية اللى تهم كل سوفتجى
والمقال اللى بعدة هيكون عن اهم المواقع والمنتديات العربية.
هنبدأ مع اول مصدر معانا مهم لكل سوفتجى 

  GSMHosting



لو كنت #سوفتجى مبتدئ او محترف يبقا اكيد بتتابع الهوستينج لانة من اقدم المنتديات الخاصة بمجال المحمول عموما
سواء سوفت او هارد او خدمات سيرفرات وفك شفرات وبوكسات وعدد اعضائة تجاوز ال2 مليون عضو من كل انحاء العالم

طب اية اللى بيميزة ولية ممكن اتابعة ؟

-بالنسبة للسوفتجبة الهوستينج بيحتوى على مجموعة كبيرة من الاقسام لفئات الاجهزة المختلفة
وكمان انظمة تشغيل المحمول المختلفة Android او IOS
وتحت الاقسام دى فى اقسام فرعية بتضم فئات الاجهزة اللى بتشتغل بنظام التشغيل المحدد
سواء Sony-Samsung-HTC وغيرها من الاجهزة زى ما انت شايف
وتقدر تدخل القسم المقصود والمستهدف وتشوف كل المواضيع الجديدة 
والفلاشات والحلول
اللى ممكن تواجهك وانت شغال ولو واجهتك مشكلة او عطل تقدر تكتب طلبك فى القسم المناسب
ومش شرط تكون (خواجة ) او برنس فى الانجليزى علشان تكتب مشكلتك ممكن تستخدم جوجل ترجمة فى بعض الحاجات
بس منصحكش تعتمد على ترجمة جوجل اعتماد كلى لان مجالنا فية مسميات واختصارات وترجمة جوجل مش هتساعدك فى الموضوع دة بس على الاقل تكون عارف المصطلحات الشائعة اللى ممكن تعرف من خلالها الرد او الموضوع
زى Unlock-Root-Recovery-Restor-Cert-EFS وغيرها من المصطلحات
الميزة  التانية الاهم للهوستينج هو انة المصدر الاول لدعم بوكسات السوفت وير سواء المستمرة بتحديثاتها او البوكسات القديمة اللى تم وقف الدعم والتحديث عنها
بمعنى ان كل البوكسات اللى حضرتك شغال عليها بيكون ليها مبرمجين وبالتالى بينزلوا تحديثات باستمرار للبوكسات
والهوستينج بيوفر لكل بوكس او دونجل ومبرمجية قسم خاص بية وبمنتجاتة
ودة بيكون القسم اللى بينزلوا فية تحديثاتهم باستمرار واهم الخدمات والعروض وكمان داخل القسم بيكون فى مواضيع وحلول واستفسارات لاعطال ومشكلات بتواجة ناس وهما شغالين على البوكس
وكمان شرح العمليات الناجحة على البوكس سواء تفليش او فك شفرات او اصلاح اعطال مختلفة
والميزة دى مش موجودة الا فى الهوستينج وعلشان كدة لازم تتابع الاقسام الخاصةة ببوكساتك
علشان تعرف الجديد وتحمل التحديثات الجديدة
 وممكن تكتب مشكلتلك وتلاقى ردود من مراقبين القسم او فريق البوكس نفسة
ولو معندكش الوقت تتصفح كل الاقسام ممكن كل يوم تلف لفة على
وتشوف التحديثات اللى نزلت لكل البوكسات وتحمل التحديث اللى انت عايزة من المصدر نفسة
الميزة التالتة للهوستنج انة بيحتوى على مجموعة كبيرة من السيرفرات والخدمات ONLine
 والاقسام دى فيها مجموعة من الخدمات و السيرفرات
وتقدر تختار السيرفر او الخدمة اللى تناسبك سواء فك شفرات او ملفات اصلاح زى Cert و Imei
وكمان سيرفرات حذف ICloud وتشوف السعر والمدة اللى تناسبك
الميزة الرابعة اللى فى الهوستنج انة بيحتوى على اقسام قوية ومفيدة فى الهارد وير
لمعظم الاجهزة وفية مجموعة ضخمة من الحلول والمخططات والصور التوضيحية لمشكلات الاجهزة المختلفة
ودى اهم الحاجات اللى حبيت اوضحها وتقدر تدخل وتتصفح بنفسك وتكمل

 المصدر التانى : منتدى المطورين

  xda-developers.com



لو كنت عايز تكون #سوفتجى محترف فانا بنصجك تتابع منتدى المطورين
لانك هتلاقى حلول كتير لمعظم الاجهزة الحديثة التى تعمل بنظام تشغيل اندرويد
وكمان هتلاقى كل الرومات المطبوخة وال Custom للاجهزة المختلفة سواء سامسونج او سونى اكسبريا او موتورلا وHTC
واللى بيميز منتدى المطورين انة ملتقى لمعظم مطورين التطبيقات والرومات
 فى العالم
ودايما فى تحديث مستمر للاجهزة الجديدة اول باول 
 وكل قسم يختص بهاتف معين ويندرج اسفلة اقسام فرعية تضم بعض الرومات سواء اصلية او مطبوخة
وكمان هتلاقى كل ملفات الروت والريكفرى المعدل بتحديثاتها سواء CWM-TWRP
وطريقة تفليشها للاجهزة اللى بتحتاج استخدام اكواد CMD
 والتعامل مع ال Fastboot
وكمان طرق التفليش او تركيب الرومات والريكفرى عن طريق ADB
ولو بتشتغل بدون بوكسات او بتحتاج بعض العمليات مع الاجهزة زى HTC مثلا
هتلاقى شروحات مختلفة فى منتدى المطورين سواء
 فتح البوت لودر Unlock BootLoader
او S-OFF وروت وتركيب ريكفرى معدل وتفليش Custom Rom
ومعظم الشروحات او المواضيع على المنتدى بتحتاج #لسوفتجى عندة خبرة شوية
علشان زى ماقولنا بتستخدم طرق تفليش او كتابة ملفات مختلفة باستخدام ADB 
بعكس الهوستينج اللى بيكون اقوى فى مواضيعة باستخدام بوكسات السوفت وير 
لكن منتدى المطورين هو الحل الامثل لكل سوفتجى حابب يكون محترف فى مجالة وبالاخص فى الاجهزة 
اللى بتحتاج تفكير وتشغيل دماغ وحلول برة الصندوق 
دا غير انة زى ماقولنا بيجمع مطورين البرامج والتطبيقات اللى بتشتغل عليها
زى FlashTool و nokia toolkit , m8-m7 toolkit
وغيرها من البرامج المهمة واللى بتعتمد عليها فى شغلك كسوفتجى 
ودول اهم موقعين لازم تكون مركز معاهم وتحاول بقدر المستطاع انك تكون مطلع على الجديد
وفى كمان مواقع قوية فى الاجهزة الكوبى زى Tecno , Lenovo,Huawei,Alcatel

وهتلاقى فيها بعض الحلول والفلاشات ورومات المصنع Stock Rom
دا غير المواقع الروسية والايرانية اللى بتضم مجموعة كبيرة من الفلاشات والرومات
ولو عايز تحمل فلاشات او رومات لاجهزة الاندرويد ممكن تدخل المواقع دى
وحاول على قد ما تقدر انك تتابع كل الجديد سواء مواقع او اخبار او حلول

خاتمة المقال

الانترنت مليان مواقع ومنتديات ومصادر اجنبية لكن حبينا نوضح اهم المنتديات
و المواقع اللى اكيد هتحتاجا فى شغلك وانت فى طريقك الى الاحتراف
واكيد فى مواقع تانية كتير جدا تقدر تكتشفها بنفسك
 وكمان ممكن تشاركنا بيها فى التعليقات
علشان غيرك يستفاد ويتابع 
واسف على الاطالة لكن على قد ما بنقدر بنحاول نختصر منعا للتشتت
وانك تقدر تركز فى حاجات معينة والباقى هتوصلة لوحدك
 لما تبدأ رحلة البحث عن الاحتراف
لو أستفدت من الشرح اشترك معانا فى قنواتنا على اليوتيوب عشان يوصلك كل جديد
وكمان تقدر تحمل تطبيق الاندرويد الخاص بالشروحات وتثبتة على موبايلك عشان تتابع كل جديد

ولو عندك مواضيع جديدة او حصرية وحابب تشاركها معانا

ابعتلنا موضوعك او مقالك او شرحك واحنا هنزلة فى المدونة باسمك وتوقيعك

  
مرسلة بواسطة في
التسميات: ,
الاشتراك في: الرسائل (Atom)