فى الفترة الاخيرة نزل مصر اجهزة كتير غير موجهة للشرق الاوسط عموما
مثل : N900V - N9010T-N900P-N900S
وغير ها اجهزة كتير بس الاجهزة دى كمثال لانها منتشرة اكتر مع القادمين من اوروبا او امريكا
والمشكلة زى ما قولنا ان الاجهزة دى غير موجهة للشرق الاوسط من الاساس
وبتكون خاصة ببعض الشركات زى Vigin-AT&T - Sprint
وطبعا بيتم التعديل على رومات هذة الاجهزة سواء باضافة التطبيقات الخاصة بهذة الشركات
داخل نسخة الاندرويد الخاصة بالهاتف
او حذف بعض التطبيقات الاخرى والملفات التى يحتاجها مستخدمي هذة الشركات داخل النظام
وطبعا اللغة العربية تكون من ضمن المحذوفات لانة مش محتاجها عندة
وخد بالك من كلمة حذف ملفات اللغة العربية ...بمعنى ان فى نسخ بينزل معاها جميع اللغات
ولكن معظمها بتكون مخفية ولكن بيتم اظهاربعض اللغات فقط
ودى ممكن تعربها باى تطبيق لاظهار اللغات المخفية زى Morelocal
او ممكن على بوكس الاوكتبوس
لكن فى الاجهزة اللى بنتكلم عليها الطرق دى متنفعش
لان زى ما قولنا بيتم مسح وحذف كل ما يتعلق باللغة العربية
طيب اية الحل للمشكلة دى ؟
الحل ان يتم اضافة اللغة العربية الى النظام سواء باضافة ملفات او تعريب تطبيقات
وزراعتها فى جذور النظام او الروم
تمام كدة عرفت بعض الحاجات ..السؤال اضيف اللغة العربية ازاى ؟
علشان تضيف اللغة العربية لازم تفك الروم او الفلاشة الاصلية وتعرف اصدار الروم
ومحتويات الملفات بعد فكها
طب افك الفلاشة الاصلية ازاى ؟
ممكن تفكها عن طريق برنامج 7Zip
تمام كدة طيب بعد ما فكتها اعدل عليها ازاى ؟
هنا بقا يطول الشرح لانك لازم الاول يكون عندك خلفية عن برمجة اندرويد او تكون درستها مثلا
او ممكن تعرفها عن طريق خبرتك لو انت شغال من زمان ودايما بتحدث نفسك
وكنا عاملين كتاب عن الطريق لتعلم برمجة اندرويد وجافا
بعد فك الروم كما شاهدنا عليك فك الملفات التى ستقوم بالتعديل عليها او داخلها
ومن ضمن هذة الملفات ملف System .img.ext4
ملحوظة مهمة
قد تتغير الملفات واسمائها وامتدادها باختلاف اصدارات الاندرويد المختلفة
وفى الاصدارات السابقة ( جيلى بين ) قد تجد ملف السيستم System.img فقط بدون ext4
ولذلك يجب تحويلة الى ext4 حتى يتم فكة والتعديل علية
الان يجب عليك فك ملف System.img.ext4 كمثال
ويمكنك ذلك من خلال احد البرامج وليكن ext4_unpacker
وتختار الملف الذى تريد فكة
وهذا الفيديو يوضح طريقة استخدام البرنامج وفك الضغط عن ملف System.img.ext4
الخطوة التالية هى طريقة معرفة الجزء الخاص بملفات اللغة العربية
واضافتها للروم الغير معرب او الطريقة الطويلة وهى تعريب التطبيقات باستخدام ApkTool
ولكن من اهم التطبيقات والملفات التى ستعمل عليها
systemUI.apk
farmware-res.apk
farmware-res.apk
ولذلك يجب التركيز والمعرفة المسبقة بطريقة التعديل
وكما قلنا سابقا قد تختلف الملفات باختلاف اصدار الهاتف
لان الاصدارات الجديدة من الاندرويد بداية من اللولى بوب Lollipop 5
اصبح عليها حماية اكثر واختلفت مسارات الملفات عن الكيتكات
مثل
/system/sipdb" and "/system/VODB
مثل
/system/sipdb" and "/system/VODB
وبالطريقة السابقة يمكنك التعديل على باقى الملفات ذات الامتداد Ext4
واحنا بنتكلم عن طريقة التعديل على الروم الرسمى
وليس تغيير ملف اللغة language.xml
داخل المسار system/csc
لان هذة الطريقة لاتصلح مع جميع الاجهزة والاصدارات
طب سؤال بقا ... هو فعلا الموضوع سهل زى ما شرحت كدة ؟
لا طبعا الموضوع مش سهل وعايز دراسة وخبرة ..لانك ممكن تعدل على ملفات الروم
او تضيف بعض الملفات زى ما شرحنا فوق لكن المشاكل اللى ممكن تقابلك
انك ترجع تجمع الاجزاء دى تانى مع بعض وتكون ملف واحد يقبل التفليش ب Odin
ودة فى بيئة ويندوز ممكن يكون رخم شوية ومحتاج خبرة وتعامل مع cygwin
او الافضل طبعا انك تكون بتشتغل luinx كويس او مثبت اى توزيعة لية ubuntu مثلا
وكمان تصاريح الكتابة على الملفات او استبدالها
فى حالة انك هتعمل سكريبت لاضافة الملفات بدون الفلاشة كاملة
android system permissions
وكمان تصاريح الكتابة على الملفات او استبدالها
فى حالة انك هتعمل سكريبت لاضافة الملفات بدون الفلاشة كاملة
android system permissions
وبعدها تقدر تعرب اى روم غير موجة للشرق الاوسط
خاتمة الموضوع
انا مش بشرح خطوات كاملة للتعديل على الروم واضافة اللغة العربية
لان فى ناس تعبت وسهرت
ومحتاجة تاخد حقها سواء ببيع الفلاشات المعدلة او غيرة
لكن فى نفس الوقت انا بديلك معلومات مهمة و طرف الخيط واول الطريق اللى تقدر تبدأ منة
وتعدل على اى رومات سامسونج وتضيف اى لغة انت محتاجها
ولما توصل لهدفك مش تنسانا وافتكرنا بالخير
