الخميس، 14 مايو 2015

شرح طريقة تفليش وتعريب اجهزة بلاك بيرىBlackberry بالخطوات كاملة

الموضوع دة موجة لكل الفنيين والاعضاء اللى عايزين يشتغلوا فى اجهزة بلاك بيرى
ومش معاهم أساس من البداية لطرق التعامل مع هذة الاجهزة
لو عايز تشتغل بلاك بيرى بس مش عارف تبدأ منين؟
وازى تفلش وتعرب اجهزة بلاك بيرى بانواعها المختلفة؟
طب اية المواقع اللى اقدر احمل منها الفلاشات ؟
احنا هنا هنجوابك على كل اللى الاسئلة دى فى مجموعة نقط ومراحل هنقولها مع بعض
اولا اجهزة البلاك بيرى صدر منها نسخ حديثة بمميزات رائعة وتصميم جميل 
عشان تواكب التقدم المستمر لاجهزة ابل واندرويد ..وشرحنا بعض النقط عن 
هذة الفئة الحديثة من الاجهزة وطريقة التعامل معها 
لكن موضوعنا انهاردة هيكون من البداية خالص للتعامل مع الاجهزة السابقة بجميع انواعها
وهنتكلم عن طريقة التفليش لجميع هذة الاجهزة فى 4 مراحل 

المرحلة الاولى :

- تحميل الادوات اللى هتستخدمها فى شغلك 
1 - برنامج blackberry desktop software ودة البرنامج الرئيسى 
للتعامل مع اجهزة البلاك بيرى بانواعها وكمان بيحتوى على جميع التعريفات
الخاصة باجهزة البلاك بيرى المختلفة 
وفى الاجهزة الحديثة زى Blackberry Z10 وغيرها لابد من تواجد برنامج blackberry link

ودة هنشرحة بالتفصيل لما نوصل للفئات دى من الاجهزة فى المواضيع القادمة
طيب اقدر احمل برنامج blackberry desktop software منين؟
حمل البرنامج من الرابط التالى : blackberry desktop software

بعد تحميل البرنامج ثبتة على جهازك بطريقة عادية وخش معنا على المرحلة التانية

المرحلة الثانية :

تحميل فلاشات اجهزة بلاك بيرى اللى هتشتغل بيها
لو جالك جهاز بلاك بيرى عايز يتفلش او يتعرب بتعرف الاول موديل الجهاز اية 
ودة بيكون مكتوب على ظهرة وبعد كدة بتحمل الفلاشة بتاعتة 
وتقدر تحمل الفلاشات من سبورت البلاك بيرى من الرابط التالى : Device Software Download

لما تدخل الموقع هتلاقى الفلاشات مترتبة حسب الموقع الجغرافى 
وكمان حسب شركات الاتصالات المختلفة 
هتختار المكان وليكن Middle East عشان الاجهزة الموجهة للشرق الاوسط والدول العربية
وبعدين هتختار شركة الاتصالات وممكن تحمل اى فلاشة موجودة مش شرط اللى بنقول علية
بس علشان الفلاشة يكون فيها لغة عربية 
وفى مواقع تانية كتير تقدر تحمل منها الفلاشات بس دة افضلهم


المرحلة التالتة:

تثبيت الفلاشة 
- بعد ما حملت الفلاشة المناسبة لجهازك من السبورت 
تقدر تثبتها بطريقة عادية على الكمبيوتر بتاعك

المرحلة الرابعة:

طريقة التفليش

- دلوقتى بعد ما ثبتت الفلاشة هتلاقى الملفات الخاصة بيها فى المسار
C:\Program Files (x86)\Common Files\Research In Motion\Shared
وهتلاقة الفلاشة مفرودة عبارة عن مجموعة ملفات Java 
لكن علشان نفلش الجهاز هتدخل على المسار 
C:\Program Files (x86)\Common Files\Research In Motion\AppLoader
دلوقتى شيل البطارية وركبها تانى ووصل الهاتف بالكابل 
وهتلاقية بيطلب تعريفات وهيتعرف بطريقة اوتوماتيكية لوحدة
وبعدين فى المسار اللى قولنا علية فوق هتشغل اللودر Loader
وهتلاقية اتعرف على الهاتف 
دلوقتى بعد ما يقرأ الهاتف هيفتحلك قائمة تانية
هتختار منها اللغات اللى عايزها تنزل فى السوفت وكمان 
التطبيقات الاضافية اللى انت محتاجها
بعد ما تخلص اختياراتك اضغط على التالى او Next 
عشان تبدأ عملية التفليش
انتظر لحد ما تكتمل عملية كتابة الملفات للنهاية
بعد الانتهاء من عملية التفليش الهاتف هيعمل اعادة تشغيل لوحدة
وبكدة تكون خلصت عملية التفليش بنجاح
<!-- End Hsoub Ads Ad Place code --

خاتمة الموضوع:

احنا حاولنا نشرح جميع الخطوات من البداية للنهاية لعملية التفليش
بفلاشة كاملة لانك ممكن تعرب الجهاز بس بملفات Java فقط بدون فلاش كامل
زى ما شرحنا قبل كدة فى الموضوع دة 
وكمان شرحنا اصلاح مشاكل البوت لودر فى مواضيع تانية
وفى الفيديو التالى شرح فيديو لجميع الخطوات اللى شرحناها فى الموضوع
تقدر تتابعة وتحملة على جهازك ولو عجبك الشرح اشترك فى قنواتنا
على اليوتيوب وصفحة الفيس بوك عشان توصلك كل مواضيعنا وشروحاتنا
- 
مرسلة بواسطة في
التسميات: , ,