مقاله شامله يجب على كل شخص قرائتها عن الاندرويد-تصحيح مفاهيم

1- غالبا العالم بكون عندها مشكلة بالموبايل ( تعليق - تطبيقات بتتثبت بدون اذنو ... الخ ) وبيعمل ضبط مصنع ومابيمشي حال وبيستخدم عبارة ساويتلو سوفت وير ...
كلمة سوفت وير رح ناخدها بالمعنى العام : يعني متل فورمات الكمبيوتر رح تمسح النظام القديم وتثبت بدالو نظام جديد مستقر ...
ضبط المصنع بس بيرجعلك الأعدادات لوقتها السابق وهاد شي مارح يحل مشاكلك الا بشكل مؤقت جدا
لتعمل سوفت وير بدك كمبيوتر + برنامج Odin عالكمبيوتر + تحميل الروم
وفي خطوات بتتبعها وبتساوي تثبيت للنظام الجديد
* حل بديل عن ضبط المصنع
بجميع اجهزة السامسونج مثلا عندك شي اسمو recovery mode وبتفوت عليه من خلال
زر الباور - الهوم ( النصاني :3 ) و زر رفع الصوت (( بتطفي جهازك علاخر وبتشعلو من خلال الضغط على الزرار ال3 مع بعض كبسة طويلة )) ورح تفوت على وضع الريكفري ومنو بتختار wipe data ورح تمسح كل شي على جهازك وترجع لحال الروم الأصلي

2- مصطلح بدي برنامج الروت .... او شو يعني روت
الروت باختصار وبساطة : فتح حماية الجهاز من خلال عملية بتصير من خلال تطبيقات معينة او من طريق الكمبيوتر لبعض الأجهزة بتقدر بعدها توصل لملفات النظام وتعدل فيها وتشغل تطبيقات على جهازك يلي بدها صلاحيات

منذكر من فوائد الروت :
* القدرة على التعديل الشامل على نظام الأندرويد من خلال xposed
* بتقدر تمسح تطبيقات النظام الأساسية يلي مالها داعي متل Chat on - google maps - hangouts وغيرها ... وهاد الشي رح يعطيك مساحة تخزين وسرعة بلأداء لان التطبيقات هي عم تستهلك من البطارية و الرام ... وطبيعي وجودها يعمل مشاكل بالأجهزة القديمة او الضعيفة وفيك تعمل هالشي من خلال برنامج system app remover
* بتقدر تعمل حد لأستهلاك البطارية و الرام من خلال برنامج greenify
* بتقدر تحد استهلاك بيانات الثري من خلال المنع الكامل والدائم للتطبيقات من الوصول للبيانات من خلال برنامج afwall+

عيوب الروت :
مابساوي اي خطر او تعليق او مشاكل ... ببساطة بتخسر ضمان الجهاز وهاد شي مهم بحال اعطال التصنيع لان الشركات تبع الضمان رح تتهرب من المسؤولية وتحط الحق عليك
مجرد انك بتقدر توصل لملفات النظام المهمة واذا كنت مالك خبير ممكن هالشي ياثر على جهازك وتضطر تعمل سوفت وير ...
رح تنحرم من ميزات التحديث الهوائي من شركة المصنعة للهاتف

3- للمرة المليون .... التحميل من الفيس بوك او اليوتيوب بيتم من خلال تطبيقين
* snaptube for facebook
* snaptube \ ogyoutube \ tubemate
ومن تجربتي الأفضل هو ogyoutube

4- كمان معاد ... مشاكل الشحن بتصير من عوامل
* استخدام الجهاز وهو عم ينشحن ( بسبب حماوة بطارية وبالتالي انتفاخ ويمكن تنفجر يوما ما )
* استخدام شاحن مو اصلي ( ممكن تستخدم غير شاحن من غير جهاز سوني ل سامسونج مو مشكلة ) بس الشاحن الصيني النخب التالت مارح يشحن جهازك بشكل صحيح - رح يكون بطيئ - رح يعطيك شحن وهمي فورا بيخلص
* شحن الجهاز بشكل متكرر ... نحن مضطرين بوضع الكهربا السيء بس يفضل نخلي الجهاز يوصل ل 15% ويعطيك رسالة انو البطارية على وشك النفاذ ... شحن الجهاز بشكل متواصل ومستمر رح يسببلك مشاكل ( بالمستقبل ) منها نقص عمر البطارية و قلة عدد ساعات الأستخدام وهالحكي من تجربة
* اذا كنت مستعجل وبدك تشحن بوقت قصير ( استخدم وضع الطيران او اطفاء الجهاز ) بين ماتشحن بهالوقت القصير
* اكبر غلط عم نعملو هو شراء وصلة usb طويلة ... اذا بتلاحظ جميع الشواحن الأصلية قصيرة او معها وصلة قصيرة ... اكيد مو كسل اكيد مو توفير ... الوصلة القصيرة بتشحن اسرع وافضل ... حقيقة مزعجة بس مضطرين نقبلها ونتعذب

5- لا يوجد برامج تهكير واتس اب - لا يوجد برامج كسر حماية وايرلس بكبسة زر بدون روت
ويلي بدو روت ... الكسر عم يكون لشبكات محددة وهي يلي بتستخدم WPS
يعني لما بتشوف 20 شبكة قدام بيتك وبتعمل روت ومابيشتغل البرنامج معك