طبعا سؤال كلنا بنسمعة من شباب كتير وسوفتجية كتير بتشتغل
فى مجال سوفت وير المحمول والمبتدئين منهم خصوصا
وعشان كدة هنخلى الموضوع دة للرد على اجابة هذا السؤال
قبل ما نبدأ نوضح الفرق بين الاتنين ونذكر ايجابيات وسلبيات كل نظام تشغيل منهم
لازم نحدد الاول احنا هنشتغل اية بالظبط
بمعنى اصح انت هتشتغل على بوكسات سوفت وير مختلفة
مثل Z3X -Octoups-Best-SPT-ATF وغيرها
ولا هتشتغل برامج فرى ونغمات وفيديوهات وتنزيل برامج والعاب
لانك لو شخص محترف ويهمك سرعة الاداء وتشغيل اكثر من بوكس فى وقت واحد
يبقا لازم تختار نظام التشغيل اللى هتشتغل علية بدقة وتركيز
لان زى ما كل السوفتجية عارفين ان مشكلتنا مش فى تثبيت الويندوز
ولكن مشكلتنا الحقيقية فى اللى بعد الويندوز يعنى تثبيت برامج البوكسات المختلفة وتثبيت البرامج الاخرى مثل Itunes و Blackberry Desktop و BlackBerry Link
وغيرها من برامج
الاجهزة المهمة دا غير البرامج الاخرى مثل Update Service و Uni-Android Tool
و Jurassic UniAndroid و برامج كتير جدا ولكل فئة من الاجهزة برامجها المختلفة
يعنى الاجهزة الصينى والكوبى ليها مجموعة كبيرة من البرامج واجهزة السونى اكسبريا
واجهزة البلاك بيرى واجهزة الHTC دا غير برامج الروت والريكفرى
مش بقولكوا اصعب مرحلة هى ما بعد الويندوز
لكن خلونا منخرجش برة الموضوع ونرجع تانى لسؤالناملحوظة هامة
نحن بصدد التحدث عن الفرق بين نظام تشغيل XP و 7
من حيث العمل على برامج وبوكسات السوفت وير
وكل مايخص السوفتجية فقط
ولا نتحدث عن تقنيات او تحديثات اخرى
أشتغل على ويندوز XP افضل ولا على ويندوز 7 ؟
وعشان نجاوب على السؤال دة لازم نشرح مزايا وسلبيات كل نظام تشغيل منهم
windows-xp
طبعا كلنا بلا استثناء اشتغلنا على ويندوز XP ومن زمان كان ظهورة طفرة فى عالم نظم التشغيل
لانة بيتميز بالسهولة فى التعامل والاستخدام وطبعا كل البوكسات ليها تعريفات
وDrivers على XP
وكمان برامج الدونلودر المختلفة بانواعها مدعومة وليها تعريفات على ويندوز XP
وكمان بيدعم تثبيت وتعريفات البوكسات المتوقفة عن الدعم منذ فترة طويلة
مثل بوكس الجاف و UST سامسونج Cruiser Box و MT-Box و الMartech Box و Spider man Box
وغيرها من البوكسات التى توقف الدعم عنها من فريق التطوير الخاص بها
وبالنسبة للمستخدم العادى فان ويندوز XP كان نظام التشغيل الافضل بالنسبة له
لسهولة التعامل مع الواجهة وسهولة التعامل مع النظام ككل
ويتوافق مع معظم التطبيقات والبرامج.
سلبيات نظام تشغيل XP
-رغم مميزاتة التى ذكرناها بالاعلى إلا ان بة الكثير والكثير من المشاكل
مثل الاخطاء التى تظهر بعد الاستخدام المتزايد
والتهنيج وعدم القدرة على تشغيل برامج كثيرة وظهور رسائل الخطأ المستمرة
وكمان بطئ جدأ فى عملية الاقلاع واغلب مستخدمين الاكس بى يشتكون من بطء الاقلاع
كما انة مرتع للفيروسات ومادمت تستخدم نظام تشغيل الاكس بى
فلن تتوقف عن الشكوى من الفيروسات ودائما ما تبحث عن برامج انتى فيرس قوية
تزيد من بطئ الجهاز اكثر
والنقطة الاهم فى سلبياتة
إعلان شركة مايكروسوفت إيقاف دعمها بشكل كامل لنظام الويندوز XP أبريل 2014
يعنى لن تجد لة تحديثات فيما بعد وايضا البرامج الكبيرة والبوكسات القادمة
لن تدعم نظام تشغيل XP فى برامجها وتحديثاتها
windows 7
أما بالنسبة لويندوز 7 فهو اسرع بمراحل من ويندوز xp ولكن يحتاج الى رامات اعلى من 2 جيجا
ودى اهم المميزات اللى بتخصنا #كسوفتجية وبتخص المستخدم العادى ايضا يعنى تعريفات البوكسات والبرامج اللى بنشتغل عليها وذكرنا معظمها فوق لما اتكلمنا عن XP
واحب اقولكم ان كل البوكسات والبرامج بتشتغل على ويندوز 7 كويس قوى فيما عدا
البوكسات المنتهية الدعم اللى ذكرناها بالاعلى
البوكسات المتوقفة عن الدعم منذ فترة طويلة
مثل بوكس الجاف و UST سامسونج Cruiser Box و MT-Box و الMartech Box و Spider man Box
وغيرها من البوكسات التى توقف الدعم عنها من فريق التطوير الخاص بها
واهم حاجة فى ويندوز 7 انة سريع زى ما قولنا وبيتحمل ضغط شغل سواء عمل على بوكسات سوفت وير
او برامج اخرى كبيرة مثل after effect و photoshop
وتقدر تشتغل علية كل حاجة وهتتمتع بمميزاتة مثل التعريفات التلقائية وكمان تقدر تثبت نسخ X64
وتتمتع بقرائة مساحة الرامات كاملة وكمان الاداء والسرعة
سلبيات ويندوز 7
وسنذكر بعض السلبيات من وجة نظر السوفتجية ليس إلا
يحتاج الى جهاز عالى او متوسط الامكانيات على الاقل رامات 2 جيجا
وبروسيسور عالى لان الويندوز يحتوى على تصميمات جرافيك كثيرة والتى تحتاج الى كارت شاشة عالى
نوعا ما ..وايضا من بعض سلبياتة عدم العمل على البوكسات المنتهية الدعم كما ذكرنا
وذلك ليس عيبا فى النظام ولكن لان مطورين البوكسات توقفوا عن الدعم وتقديم تعريفات ودريفرات خاصة
بنظام ويندوز 7 كما حدث مع ويندوز XP
واخيرأ لاثبات كفائة ويندوز 7 فى العمل
جميع الشروحات والعمليات التى نقدمها مصممة على نظام تشغيل 7
خلاصة المقال
انت تقدر تشتغل على ويندوز 7 كل اللى بتشتغلة على ويندوز XP بالظبط
ولكن احنا اللى مبنحبش التغيير بمعنى ان معظم الناس بتشتغل على ويندوز XP لانهم اتعودوا علية
ولما تقولة لية مش بتشتغل 7 يقولك انا مبحبوش واتعودت على XP
ودة دايما السبب الرئيسى ان الناس اللى اتعودت على كدة تقول للمبتدئين لازم تشتغل على XP
لانة هو نفسة بيشتغل على XP ومفكرش يحدث نفسة ويحدث شغلة
وخلى بالكوا احنا اتكلمنا على ويندوز 7 و XP ولم نذكر ويندوز 8 او 10 فى عملنا
رغم انهم مميزين جدا وبالاخص فى الاجهزة الحديثة مثل الاندرويد والايفون
وممكن تجرب وتثبت نسخة XP على درايفر الC ونسخة 7 على ال D مثلا
وخليها بداية وجرب لانك عاجلا ام اجلا لازم هتغير بمزاجك او غصب عنك
فخليها بمزاجك وابدأ اتعلم وحدث نفسك ومتسمعش كلام اللى يقولك ويندوز 7 ملهوش فى شغلنا
وفى النهاية لو كنت نسيت شئ ارجو من الاخوة القراء تذكيرى بة,
تقبلوا تحياتى
فاروق الجوكر
لو أستفدت من الشرح اشترك معانا فى قنواتنا على اليوتيوب عشان يوصلك كل جديد
