مش عيب انك تكون لسة جديد على المجال ودخلتة لانك بتحبة
وعايز تكون #سوفتجى
لكن العيب انك تكون فى المجال وبتخبط يمين وشمال وبتضرب فى اسعار واجهزة
لمجرد انك تعمل سبوبة ومصلحة وتظبط يومك على حساب غيرك
انا مش فاهم انت تقصد اية وبتتكلم على مين ..وضح ؟
- طيب براحة واحدة واحدة كدة نبدأ من اول السطر
كنا اتكلمنا فى مقالات #كلام_سوفتجية عن المشاكل والعقبات
اللى ممكن تقابل كل سوفتجى
واتكلمنا عن الاسباب اللى خلت مجال السوفت وير تدهور كدة الفترة الاخيرة
بسبب حاجات كتير شرحناها فى المقال دة
لكن المشكة بتزيد كل فترة بسبب سوفتجية السبوبة زى ما بسميهم
لانة داخل المجال علشان يعمل بريزتين وخلاص ومش فارق معاة حاجة
وسوفتجية السبوبة دول اكتر من نوع ممكن تشوفهم
وهنحاول نوضح معلومات اكتر عنهم
النوع الاول : سوفتجى الفورمات والريكفرى والكراكات
ودة اى جهاز يدخلة مقفول بنمط او باسورد او بيهنج او اى حاجة
بيدخل على الريكفرى ويعمل Wipe وخلص الموضوع ويقول للزبون
انا عملتلك سوفت وير
وحسابة 15 جنية او 20 جنية واى خدمة ياباشا
يعنى لو جهاز حديث او غالى برضو بيتعامل بنفس المبدأ ومش فارق معاة
وممكن ميكونش عندة بوكسات ويكون شغال على كراك او برنامج مجانى
زى Flash Tool
ويشوف شرح من هنا على شرح من هناك وبرضو بيضرب فى الاسعار
ولو راح عمل شغل برة عند حد بيطلع عينة فى الحساب وبيفضل يحك كتير
طب الشخص اللى زى كدة حلة اية ؟
كنا اتكلمنا قبل كدة وقولنا ان الحمايات زادت على انظمة تشغيل المحمول
يعنى شغل الريكفرى لو استمر هيلبس فى الحيط وورا الحيط
هيلبس فى Google Acount
او Samsung Acount هو وحظة بقا بعد الفورمات
والنوع دة متتكلمش معاة ولا تعاتبة وسيبة يعمل اللى هو عايزة
لكن لو احتاج منك معلومة او فلاشة او برنامج
او حتى جهاز قطع منة او حصل فية حاجة
حاسبة الطاق 10 وهاتة تحت المفرمة
ودة مش علشان انت وحش وبتكرة الخير وبتمنع المعلومة
لكن علشان الشخص اللى كدة ميستهلش انك تعملة حاجة
لانة بيضاربك فى اكل عيشك
وتعبك وميهمهوش خسارتك وفلوس البوكسات اللى انت لسة بتسدد فى تمنها
لانة لما يتقرص مرة واتنين وتلاتة هيعرف ساعتها انة كان غلطان
لانك مهما قولتلة وكلمتة مش هيعمل حساب لكلامك
لكن الجنية هو اللى بيأدب ولما يخسر هيتعلم الادب
ويقدر انة شغال فى مجال محترم
ومش اى حد ممكن يتقال علية #سوفتجى
ودورك انت بقا انك تحافظ على أكل عيشك ورزقك وشغلك
ومتسمحش لحد انة يقولك انت بتعمل اية يعنى دا سوفت وير ب10جنية
النوع التانى اللى بيقضيها (سوفتجى على ما تفرج )
والبرنس دة ممكن يكون عرف معلومة من هنا او من هناك
او اخد كورس تحت السلم وافتكر نفسة #سوفتجى عصرة واوانة
وبعد كدة أشتغل فى محل ولقا عندة بوكسات وكابلات
مش دافع فيها حاجة من جيبة
وكمان مش علية التزامات زى الايجارات والكهربا والنت وغيرة
وهو اصلا نازل بيقضيها وخلاص لحد ما يسافر او يشوف شغلانة غيرها
مش بيحب السوفت
وعشان كدة ممكن يكون هوائى فى اسعارة وبيشتغل على حسب المزاج
يعنى ممكن يشتغل ريكفرى وفورمات زى اخينا اللى فوق
او ممكن يعمل جهاز المفروض يحاسب علية كويس بس صاحبتة موزة
فعادى بقا وانت كيوت وجدع متشكرة جدأ على زوقك
ودة زى ماقولنا مش داخل المجال عن حب وبرضو بيشارك النوع الاول
فى ضرب الاسعار وحتى ممكن يعمل جهاز ومعاة مشاكل ياما
وبرضو بيسيب أثر سلبى
عن السوفت وير واللى شغلين فية ..بس كلة الا الموزة
وعشان كدة المفروض انة يتعامل معاملة النوع الاول بالظبط
ملحوظة مهمة
فى سوفتجية محترمين جدأوشغالين فى محلات وبيقدروا أكل عيشهموبيحبوا الشغل ولا بيضربوا فى اسعار واللى بيحصل العكسان صاحب المحل هو اللى بيستغلة وعايز يحلبة ويأخد من وراة كل حاجةويكون باصصلة فى رزقةودول هنتكلم عليهم فى مقال لوحدهم
النوع التالت : فنيين الهارد وير واصحاب المحلات
فنيين الصيانة والهارد وير فيهم برضو نفس الانواع اللى اتكلمنا عليها فوق
يعنى بتاع السبوبة واللى مقضيها وكدة
وفيهم برضو الملتزم اللى عارف هو بيعمل اية ومبيقلش من نفسة ولا شغلة
وكمان اصحاب المحلات اللى لاهو #سوفتجى ولا فنى هارد وير
وبيستلم شغل ويعمل ريكفرى ولو الجهاز اتعمل خير ولو متعملش
يروح يعملة عند حد ويطلع عينة برضو فى الحساب وعايز الشغل ببلاش إلاربع
وانا ضميت الاتنين دول مع بعض
لانهم داخل المجال ويهمهم انهم يكسبوا ويعملوا زباين ودة حقهم
لكن اللى مش من حقهم انهم يضروا ناس تانية فى أكل عيشهم
عشان هما يكسبوا
ولو فضل زى ماهو باسلوبة كدة
عليك انك تعاملة نفس المعاملة اللى قولنا عليها فوق
لانة مش بيحبلك الخير ومش باقى عليك ومش بيجبلك شغل حبأ فيك
بس علشان بييجى عليك وبتسكت وبتريحة قوى فى السعر وطظ انت
يبقا هو عمل الجهاز بربع السعر وهيسلمة للزبون باضعاف اللى انت عملتهولة
وفى الاخر برضو الجهاز طلع من محلة وعملة زباين وسمعة
والكلام دة بينطبق على فنى الصيانة لان ربنا كتبلك رزقك فى حاجة
فاحمد ربنا وسيب رزق غيرك ومتجيش علية
واللى يقولك انا شغال سوفت وهارد مع بعض تعرف على طول انة حمااااااااااار
وانة ولا ناجح هنا ولاهنا لان المجال دلوقتى بقا متفرع ومتشابك جدأ
وكل يوم فية جديد وصعب انك تقدر تشتغل الاتنين مع بعض
فى وقت واحد وتكون محترف فى الاتنين
توضيح
زى ماقولنا ان فية فنيين هارد وير بيعملوا كدة
لكن بروضو فى فنيين كتير جدا محترمين ومحترفين
ومبيضرش حد فى أكل عيشة وبيراعى ربنا فى شغلة
والنوعين دول لو زمايلك او صحابك اتكلم معاهم مرة واتنين
أما التالتة أبدأ بتنفيذ اللى قولنا علية واحمى نفسك وأكل عيشك
ومتتحرجش من حد مهما كان لانة مع اول فرصة هيبيعك وبكرة تعرف ان كلامى صح
خاتمة المقال
أسف للاطالة بس حبيت اوضح حاجات ناس كتير فى المجال حاسة بيها
وعارفين انهم بيخسروا بسبب اللى بيحصل دة بس مش عارف يتصرف أزاى
او محرج ومش عندة الجرأة انة يعمل حاجة لانهم اصحابة مثلا
وانا بقولك دى مش دعوة انك تغلى أسعارك قوى على الناس
لكن احمى نفسك وأكل عيشك من #سوفتجية السبوبة اللى بيأخدوا تعبك ومجهودك
وفى الاخر ينسبوة لنفسهم بدون ذكر اسمك اصلا
ويعمل لنفسة سمعة وزباين وصيت على حساب أكل عيشك انت
انا وضحت بعض الحاجات وأكيد فى حاجات تانية
ممكن اعرفها منكوا وكل واحد يقولنا اية اللى بيحصل معاة وبيتصرف أزى
لو أستفدت من المقال اشترك معانا فى قنواتنا على اليوتيوب عشان يوصلك كل جديد
وكمان تقدر تحمل تطبيق الاندرويد الخاص بالشروحات وتثبتة على موبايلك عشان تتابع كل جديد
